ریچارد مارلز، استرالیا پارلمانی اعضاسی ایتیشیچه، اوشبو مملکت پارلمانی طالبان حکمرانلیگی آستیده‌گی افغانستانده هزاره‌لر کۉره‌یاتگن تعقیب و آزار-اذیتی‌نی رسماً تن آلگن.
مارلز بوگون چهارشنبه 5 -قوس فیس‌بوک صحیفه‌سیده یازیشیچه، استرالیا پارلمانی دوشنبه کونی کېچقورون آسترلیا جمعیتیده‌گی هزاره‌لر مهم رۉلینی همده افغانستانده طالبان حکمرانلیگی آستیده اولرگه نسبتاً یوز بېره‌یاتکن تعقیب و کمسیتیشلرنی اعتراف اېتگن.
اونینگ قۉشیمچه قیلیشیچه، استرالیا‌ده یشه‌یاتگن هزاره‌لر بیلن همکارلیکده اوشبو باسقیچگه یېتیب کېلیش، اونینگ اوچون فخردیر.
پارلمان اعضاسی هزاره فعاللریگه مراجعت قیلیب یازگن: «برچه سعی-حرکتلرینگیز و ایزچیل کوزه‌توولرینگیز اوچون منتدارلیک بیلدیره‌من، دوشنبه کونی سیزلر بیلن بیرگه بۉلگنیمدن جوده خرسند بۉلدیم.»
ریچارد مارلزبو باره‌ده ینه قۉشیمچه تفصیلات بېرمه‌گن.
بونگچه اَیریم مملکتلر نینگ پارلمانلری و کېنگشلری عبدالرحمن خان دوریده‌گی و کېینچه‌لیک طالبان نینگ بیرینچی حکمرانلیگی دوریده‌گی هزاره‌لرگه قرشی آزار-اذیتلرنی هم تن آلگن اېدی.
طالبان حاکمیتگه قَیتگنیدن بېری هزاره‌لر کېنگ کۉلملی تعقیب و کمسیتیشلرگه دوچ کېلماقده‌لر.
بو مدت دوامیده طالبان هزاره‌لرنی تیزیملی روشده باستیریش، کمسیتیش و اولر نینگ یېرلرینی تارتیب آلیشده عیبلنیب کېلماقده.
