تورکیه‌نینگ تشقی ایشلر و مدافعه وزیرلیکلری علیحده بیلدیرگن مناسبت‌لریده، یونانی‌لر یشاوچی جنوبی قبرس بیلن لبنان اۉرته‌سیده امضالنگن ینگی چیگره کېلیشووینی قاره‌لدی.
تورکیه حکومتی تامانیدن نشر اېتیلگن بیاناتلریده، اوشبو کېلیشوو جنوبی قبرس تامانی بیرتامانلمه حالده امضالنگن بۉلیب، کېلیشووده شمالی قبرس جمهوریتی یا ده قبرس جزیره‌سیده‌گی تورکلر نظرده توتیلمه‌گنی قید اېتیلگن.
دیمک تورکیه حکومتی، بیرلشکن ملتلر تشکیلاتی‌دن بو چیگره کېلیشووینی رسمیت‌گه تَن آلمسلیگینی هم سۉره‌دی.
عینی حالده تورکیه‌نینگ مدافعه و تشقی ایشلر وزیرلیکلری بیاناتلریده، بو مملکت شمالی قبرس تورک جمهوریتی‌دن حمایه‌لرینی دوام اېتیب، قبرس‌ده تورکلر منفعت‌نی ایاغ آستی بۉلیشیگه یۉل قۉیمسلیگینی بیلدیرگن.
ایتیش کېره‌ک که قبرس و لبنان اۉرته‌سیده چیگره‌لرنی بیلگی‌لش اوچون قره‌تیلگن اوشبو کېلیشوو، میلادی ۲۰۰۷ – ییل هم بیر مراتبه امضالنگن اېدی. بیراق قرشی‌لیکلر باعث بو کېلیشوو هیچ قچان عملگه آشیریلمه‌دی.
