سمنگان ولایتیدن محلی منبعلرنینگ خبر بېریشیچه، بو ولایتده ترافیکی بیر حادثه یوز بېریب ۸ کیشی اۉلیب و یرهلنگن.
تاشقُرغان و مزارشریف اۉرتهسیده ایککی موتر تۉقنهشووی عاقبتیده یوز بېرگن بو واقعهده بیر کیشی جان بېرگن و ینه ۷ کیشی یرهلنگن.
ایتیلیشیچه واقعهده یرهلنگنلر آرهسیده بیر عیال هم بار اېکن.
سمنگان ولایتیده طالبان خوفسیزلیک قومندانلیگی، واقعهده یرهلنگنلر کسلخانهگه آلیب باریلگنینی هم معلوم قیلدی.
شونینگدېک طالبان محلی رسمیلری، اوشبو واقعه هیداوچیلرنینگ احتیاطسیزلیگی سبب یوز بېرگنینی هم معلوم قیلگن.
ایتیش کېرهک که یۉللر بوزوقلیگی و هیداوچیلرنینگ دقتسیزلیگی افغانستان تورلی حدودلریده بو کبی واقعهلرگه سبب بۉلماقده دیر.
