طالبان صناعت و سودا وزیرلیگی بیر بیانات نشر قیلیب، تورکیه نینگ استانبول شهریده، افغانستان و تورکیه سوداگرلری اۉرتهسیده ییغین اۉتکزیلگنیدن خبر بېردی.
اوشبو ییغین، افغانستان و تورکیه سوداگرلری و تدبیرکارلری اۉرتهسیده هماهنگلیکلر یرهتیلیشی مقصدیده اۉتکزیلگن.
طالبان صناعت و سودا وزیرلیگی بیاناتیده، ییغینده بو وزیرلیک وکیللری هم حضوری بارلیگی معلوم قیلینگن.
شونینگدېک طالبان صناعت و سودا وزیرلیگی، ییغینده افغانستانده موجود اقتصادی ظرفیتلر حقیده معلومات بېریلگنینی هم اعلام قیلدی.
عینی حالده طالبان صناعت و سودا وزیرلیگی، افغانستانده سرمایه یاتقیزیشلر خصوصیده بو حاکمیت حمایهلرینی هم معلوم قیلگن.
ایتیش کېرهک که طالبان حاکمیتگه قیتگنیدن بیری، تورلی مملکتلردن افغانستانده سرمایه یاتقیزیشلرینی سۉرهگن. بیراق طالبان حاکمیتیدهگی افغانستاننینگ سیاسی تقدیرسیزلیگی باعث، چیت ایللیک تدبیرکارلر اونچهلیک بو تۉغریده قیزیققن اېمس.
