امریکا قۉشمه ایالاتلری جمهور باشلیغی دونالد ترامپ، ونزویلا و اونینگ اطرافیدهگی هوا فضاسی «تۉلیق» یاپیلیشینی اعلام قیلگن.
الجزیره شنبه، 29-نوامبر خبر بېریشیچه، ترامپ نینگ بو قراری سۉنگی هفتهلرده امریکا و ونزویلا اۉرتهسیدهگی کېسکینلیک نینگ آرتیشی ایلگری سوریلگن.
ترامپ شوندهی دېگن: «برچه هوای کمپنیلر، اوچووچیلرگه، مخدره مادّهلر سوداگرلریگه و آدم سوداگرلریگه شونی معلوم قیلهمن که، ونزویلا اوستیدهگی و اونینگ اطرافیدهگی هوا فضاسینی بوتونلهی یاپیق دېب بیلینگ»
خبرگه کۉره، امریکا حکومتی بو باسیملر نینگ مقصدی مخدره مادّهلر قاچاقچیلری بیلن کورهشیش اېکنینی اَیتماقده.
اما ایش بیلرمانلر و انسان حقلری کوزهتووچیلری آگاهلنتیریشیچه، واشینگتن احتمال ونزویلا جمهور رییسی نیکولاس مادورو نی حاکمیتدن چېتلشتیریش اوچون زمینه تیارلهیاتگن بۉلیشی ممکن.
نیکولاس مادورو اېسه اۉزی نینگ سۉنگی نطقیده ونزویلا خلقی امریکا باسیملریدن تأثیرلنمسلیگینی تأکیدلهگن.
ترامپ بوندن اوّل هم یقینده ونزویلادهگی مخدره مادّهلر قاچاقچیلرینی «قوروقلیک آرقهلی» هم نشانگه آلیشینی آگاهلنتیرگن اېدی.
