بیرلشکن ملتلر تشکیلاتینینگ ترقیات دستوری بوگون یکشنبه ۹ – قوس نشر قیلگن بیاناتیده، افغانستانده روزغار باشیده توشگن یالغیزلیکده عایلهلرنی باشقیریب کېلهیاتکن عیاللر احوالیدن خواطر بیلدیردی.
بو حقده نشر اېتیلگن بیاناتده، افغانستان ایریم حدودلریده عایلهنی یالغیزلیکده باشقیرهیاتکن عیاللر سانی ۲۶ فایزگه ییتیشگنی معلوم قیلینگن.
بیرلشکن ملتلر تشکیلاتی ترقیات دستوری، مذکور عیاللر عایدلری آزلیگی معماسیدن جدی اذیت چیکهیاتکن دېب خبر بېردی.
شونینگدېک بو تشکیلات حساباتیده، اوشبو عیاللردن یالغیز ۶ فایزی ایش کوچی آرهسیده کېریتیلگنی معلوم قیلینگن.
ایتیش کېرهک که افغانستانده کۉپلب عایلهلر، ایرکک یۉقلیگی سبب عیاللر آرقهلی باشقیریلهدی. طالبان حکومتی تامانیدن ایش زمینهلری آلینگنی سبب اوشبو عایلهلر احوالی آغیرلشیب قالگن.
