طالبان ایکینچیلیک، سووغاریش و چارواچیلیک وزیرلیگی بوگون یکشنبه ۹ – قوس نشر قیلگن بیاناتیده، اۉزبېکستان نینگ یوقاری درجهدهگی بیر هیئتی کابلگه یېتیب کېلگنیدن خبر بیردی.
اوشبو هیئت اۉزبېکستاننینگ قیشلاق خۉجهلیگی/ایکینچیلیک وزیرلیگی ا.رین باسری باشچیلیگیده دولت عملدارلری و خصوصي سکتور وکیللریدن عبارت دیر.
رسمي معلوماتگه کۉره، اۉزبېکستان هیئتی افغانستان قیشلاق ایکینچیلیک وزیرلیگی رهبریتی همده خصوصي سکتور وکیللری بیلن اوچرهشیشی رېجهلشتیریلگن.
ایکّی تامانلمه همکارلیکنی کېنگهیتیریش، تجربه المشیش و ایکینچیلیک همده چارواچیلیک ساحهلریده عمومي امکانیتلرنی اۉرگنیش اوشبو ملاقاتلرنینگ اساسي یۉنهلیشلری صفتیده بېلگیلنگن.
طالبان ایکینچیلیک وزیرلیگیگه کۉره، بو تشریفنینگ مقصدی تخنیکي همکارلیکنی کۉریب چیقیش، ایکینچیلیک سوداسینی آشیریش و کابل همده تاشکېنت اۉرتهسیدهگی علاقهلرنی مستحکملشدن عبارت.
سۉنگگی ییللرده اۉزبېکستان افغانستان بیلن اقتصادي و قیشلاق خۉجهلیگی ساحهسیدهگی علاقهلرنی کېنگهیتیریشگه اینتیلماقده. ایکینچیلیک، سووغاریش و چارواچیلیک وزیرلیگی نینگ مسووللری اوشبو تشریفنی منطقوي همکارلیکنینگ ینگی باسقیچی صفتیده بهالماقدهلر.
