بیرلشگن ملتلر تشکیلاتی نینگ بالهلرنی قۉللب-قوّتلش صندغی (یونسیف) افغانستانده هوا نینگ ساویشی بیلن بالهلر نفس یۉللری اینفکسیونلریگه کۉپراق چلینیش خوفی آستیده قالهیاتگنینی معلوم قیلدی.
اوشبو تشکیلات یکشنبه کونی، 9- قوس، ایکس صحیفهسیده اعلام قیلگن خبریده، دارو-درمانلر و باشقه ضرور واسطهلرنی افغانستان بۉیلب ساغلیق مرکزلریگه یوبارهیاتگنینی، بو نینگ آرقهلی بېمار بالهلر دوالنیشیگه یاردم بېریلیشینی بیلدیردی.
بو یاردملر هوا نینگ ساویشی، اقتصادي قیینچیلیکلر و اوزاق منطقهلرده طبي خدمتلر نینگ یېتیشمسلیگی بالهلرنی ینهده کۉپراق کسللیکلر خوفیگه دچار قیلهیاتگن بیر پیتده عملگه آشیریلماقده.
بوندن آلدین یونسیف نینگ افغانستاندهگی نمایندهسی تاج الدین ایوالی ایتگن اېدی، بالهلر نینگ قشّاقلیگی آرتیشی، تۉقنهشوولر و اقلیم انقراضلری افغانستاندهگی بالهلر نینگ کېلهجگینی خوف آستیگه قۉیماقده.
او، شونینگدېک، افغانستانده مهم خدمتلر اوچون اجرهتیلهیاتگن لایحه نینگ کېسکین کمهییشی بالهلرنی اۉز حقلری و کېلهجککه عاید امکانیتلردن محروم قیلیشی حقیده آگاهلنتیرگن.
