جوزجان ولایتیده طالبان نینگ امنيه قوماندانلیگینینگ ایتیشیچه، ایکّی باله اوّل ارقان بیلن بۉغیب اۉلدیریلگن، کېین اېسه پیچاقلنگن.
طالبان نینگ خم آب اولسواللیگیده جنایتلرگه قرشی کورهش اداره سی یکشنبه کونی 9 – قوس، ترقتگن خبرنامهده ایتیشیچه، حادثه کېچه شامدن کېین چمهسی ساعت 5 لرده نوآباد قیشلاغیده یوز بېرگن.
خبرنامهگه کۉره، اوشبو واقعهده ضياگل اسملی 35 یاشلی عیال اوچ نفر کیچیک فرزندی بیلن بیرگه نامعلوم شخصلر تامانیدن بۉغیب اۉلدیریلگن، سۉنگره پیچاقلنگن.
خبرده ایتیلیشیچه، واقعهده 4 یاشلی و 3 یاشلی ایکّی باله اۉلدیریلگن و ینه بیر کیچیک قیز اېسه آنهسی بیلن بیرگه جراحتلنگن.
بو واقعه، سۉنگّی آیلر دوامیده یوز بېرهیاتکن سِرلی و قوراللی قاتللیکلر مملکت یشاوچیلری آرهسیده کتّه خواطر اویغاتهیاتگن بیر پیتده یوز بېرماقده.
