بیرلشگن ملتلر تشکیلاتی نینگ اوی-جای دستوری ( یو اِن هبیتات) سۉنگگی گزارشیده فاریاب ولایتی مرکرزی میمنه شهری تېز سرعتده کېنگیهیاتگنلیگی حقیده آگاهلنتیردی.
مذکور تشکیلات گزارشیگه کۉره، میمنه شهری سۉنگگی ۲۵ ییل ایچیده اوچ برابر کتّهلشگن.
یو ان هبیتات نینگ ایتیشیچه، اگر شهرلر رېجهلی طرزده رواجلنمسه، بو اوی-جای، شهر خدمتلری، همده اهالی نینگ حیات صفتی بیلن باغلیق معمالرگه سبب بۉلیشی ممکن.
میمنه شهری نینگ سابق بلدیه باشلیغی جاوید کیوان اۉزبېک تلویزیونی بیلن صحبتیده، سۉنگگی ۲۰ ییلده بۉلیب اۉتگن اوروشلر سببلی ولایت نینگ تورلی اولسواللکلریدن کۉپلب عایله لر ولایت مرکزی میمنهشهریگه کۉچیب کېلگن بو اېسه شهرنینگ ترتیبسیز کېنگهییشیگه سبب بۉلگن دېب ایتهدی.
کیوان جنابلرینینگ ایتیشیچه “ نفوس کۉپهیگنی یانیده ۲۰ ییل جنگلر باعث قریه، قیشلاق و اولوسوالیکلردن هم میمنه شهریگه کوچیب کېلیشیگه سبب بۉلدی که قانوننی بیلمه یدیگنلر هم زمین لرینی بولک بولک قیلیب عرفی قوالهلر بیلن مهاجرلرنی اختیاریگه بیرسهلر. دم قول ساحهسی قوتور و توکلی خانه ییتهگی شخصی زمین لر نقشه سیز شکلده، شارواللیک و شهرسازلیک موافقهسی بۉلمهگن حالده ساتیلیب انکشاف تاپگن.”
جناب کیوان، میمنه شهری اوچون ۴۰ ییل آلدین ۱۰۰ مینگ اهالی گه شهر لایحه سی توزیلگن ایدی اما حاضرگی اهالی نینگ سانی بیر نېچه برابر آرتگنی باعث اوشبو لایحه اېندی یېترلی بۉلمهگنینی تیلگه آلهدی
اونگه کۉره، اهالی نینگ کۉپهییشی، گوجوملهشیش، یشیل میدانلرنینگ کمهییشی و اېنگ مهمی یېر آستی سوولرینینگ جدی کمهیشیگه آلیب کېلگن.
میمنه سابق بلدیه باشلیغینینگ کۉپهیتیریشیچه “ البته کی اگر ۱۱نچی ناحیه میمنه شهری اوچون یولگه قوییلماقچین بولسه، المار اولوسواللیگی نینگ بیر قسمتی بوله دی که، اونگه هم تاسیسات، ترانسپورت و ترانزیت نظرده توتیلسه.
کیلهجگده اگر تورکمنستان و هرات ترانزیت مسئله سی ویا تیمیر یوللری قوشیلسه، تجارتی تاسیسات و سردخانه لرنی المار اولوسواللیگیده ایجاد ایتسک یخشی بوله دی.“
میمنه شهری حاضر یوللریدن توتیب تا یشیل ساحه لری و هوا مسئله لری اورته دن کیتگن ایسیق فصلیده هوا جوده ایسیق بوله دی و حتی سوو مسئله سی هر کون اوتیشی بیلن کتته معما یرتماقده.
فاریاب ولایتی، اینیقسه میمنه شهری، حاضرده جدّي سوو تنقیصلیگیگه دوچ کېلگن. اهالی حکومت دن سوو توغانلری اینیقسه فاریاب نینگ دره آغیزی سوو توغانی قوریلیشینی سورهماقده.
یو ان هبیتات، شهرلرنی رواجلنتیریش شوندهی طرزده بۉلیشی کېرهککی، برچه اهالیگه اساسي خدمتلر، یشیل میدانلر، قولهی ترانسپورت تیزیمی و اجتماعي امکانیتلر یرهتیلیشی کېرهک لیگینی تاکیدلهگن حالده، بو توغریده سرمایه یاتقیزیش لازم دېیه علحیده اورغولهگن.
