حماس گروهی تامانیدن باشقیریلیب تورگن غزه ساغلیقنی سقلش تشکیلاتی معلوماتلریگه اساسلنیب نشر اېتیلگن خبرلرگه کۉره، بو شهرده اوروش قربانلرینینگ سانی ۷۰ مینگدن آشدی.
دیمک اوشبو شخصلر سۉنگی ایککی ییل دوامیده، اسراییلنینگ قانلی هجوملری نتیجهسیده جان بېرگن.
بو قربانلر آلدی آلینیشی و غزه اوروشی یکونلنیشی مقصدیده یقینده آتیش-کېسین کېلیشوویگه هم قۉل قۉییلدی. بیراق اوشبو کېلیشووگه ضد غزهده اوروش قربانلرینینگ سانی همان آشیب بارماقده دیر.
بو حقده نشر اېتیلگن خبرلرگه کۉره، اسراییل حربیلری آتیش-کېسین کېلیشووینی بوزیب، فلسطینلیکلرگه قرشی هجوم اویوشتیریشگه دوام اېتدیریب کېلماقده.
اسراییل تامانیدن آتیش-کېسین کېلیشووی بوزیلیب اۉتگن سهشنبه کون اویوشتیریلگن هجوم نتیجهسیده فادی و جمعه ابوعیسی ناملی ایککی باله جان بېرگن.
اسراییل بو ایککی باله جان بېریشیگه سبب بۉلگن هجوم، گمان اېتیلگن ایککی شخصگه قرشی اویوشتیریلگنینی ادعا قیلگن بۉلسهده، بیراق «بیبیسی» مذکور بالهلر یاغاچ ییغیب تورگن پیتیده اسراییل اوچووچیسیز اوچاقلری هجومیگه دوچ کېلیب جان بېرگنی حقیده خبر بېردی.
شونینگدېک اسراییل سۉنگی کونلر ایچیده، آتیش-کېسین کېلیشووی بارلیگیگه اعتبار قرهتمهی بو کبی باشقه هجوملرنی هم اویوشتیرگن که نتیجهده اۉنلب فلسطینلیک جان بېرگن.
