طالبان نینگ خوست ولایتی حاکملیگی ادارهسی اعلام قیلشیچه، بیر شخص نینگ قتل حکمی اېرتهگه سهشنبه، 11 – قوس اوشبو ولایت نینگ سپورت ستدیونیده اجرا اېتیلهدی.
طالبان نینگ خوست حاکمی مطبوعات سۉزلاوچیسی مستغفر گربز ایتیشیچه، بو حکم اېرتهگه ساعت 10:00 اطرافیده بجریلهدی.
او طالبان رسميلرینی و خوست اهالیسینی مذکور حکم اجرا اېتیلهدیگن جایگه کېلیشگه چقیرگن، بیراق قورال و کامره اۉرنهتیلگن تیلفون آلیب کېلمسلیکنی طلب قیلگن.
حاکملیک مطبوعات کاتبی نینگ سۉزلریگه کۉره، قتل قیلینهدیگن شخص خوست ولایتی نینگ علیشیرتومنیده یوز بېرگن آغیر واقعهده عیبدار دېب تاپیلگن.
بو طالبان افغانستانده ینه حاکمیتنی قۉلگه آلگنیدن بېری عامه آلدیده عملگه آشیرهیاتگن اۉن ایکّینچی قتل حسابلنهدی.
اولر بوندن اوّل فراه، لغمان، غزنی، جوزجان، بدخشان و نیمروز ولایتلریده یوزلب تماشابینلر اشتراکیده 11 شخصنی قتل اېتگن اېدی
