فرانسه جمهور باشلیغی امانول مکرون، اوکراین جمهور باشلیغی ولادیمیر زیلینسکی بیلن اوچرهشیب، اوکراینده بو مملکت بیلن روسیه اۉرتهسیده دوام اېتیب تورگن اوروش خصوصیده صحبت قیلگن.
اوشبو اوچرهشوو دوشنبه کونی ۱۰ – قوس، فرانسه پایتختی پاریس شهریده اۉتکزیلگن.
اوکراین جمهور باشلیغی، اۉزی نینگ ایکس صحیفهسیده بو حقده نشر قیلگن بیاناتیده، پاریسده یخشی بیر کون اۉتکزگنینی معلوم قیلدی.
شونینگدېک زیلینسکی، فرانسه جمهور باشلیغیدن اوکرایندن بۉلگن حمایهلری اوچون منتدارلیک بیلدیرگن.
ایتیلیشیچه فرانسه و اوکراین دولت رهبرلری، اوکراین اوروش یکونلنیشی و برقرار تینچلیک تامینلنیشی یۉللری خصوصیده فکر المشتیرگن.
بو اوچرهشوو شوندی بیرحالده اۉتکزیلماقده دیر که اخیرگی کونلر ایچیده، اوکراین اوروشی یکونلنیشی مقصدیده، امریکا قوشمه ایالتلری جمهور باشلیغی دونالد ترامپ هم بیر ریجه تیارلب اعلام قیلدی.
ترامپنینگ بو ریجهسی، اروپا مملکتلری ایریم قرشیلیکلریگه یوزمه-یوز بۉلگن.
