سعودی عربستان و روسیه رسمیلری تامانیدن امضالنگن کېلیشوو اساسیده، بوندن کېین اوشبو ایککی مملکت اۉرتهسیده ویزا طلبلری بیکار قیلینگن.
بو کېلیشوو ریاض شهریده «سعودی عربستان – روسیه اقتصادی فورمی» دایرهسیده، سعودی عربستان تشقی ایشلر وزیری فیصل بن فرحان و روسیه باش وزیرینینگ اۉرین باسری الکساندر نواک اۉرتهسیده امضالنگن.
بو کېلیشوو اساسیده، سعودی عربستان و روسیه وطنداشلری، ویزاسیز ۹۰ کون بو مملکتلرده اقامت قیلیشلری ممکن.
دیمک بوندن کېین، روسیه وطنداشلری سعودی عربستانگه و سعودی عربستان نینگ وطنداشلری روسیهگه سیاحت، تجارت و عایلهلرینی کۉریش مقصدیده ویزاسیز سفر قیلیشلری ممکن دیر.
ایتیلیشیچه اوشبو کېلیشوو، روسیه و سعودی عربستان وطنداشلرینینگ عادی، دیپلوماتیک و تجارتی پاسپورتلری برچهسینی نظرده توتکن.
