طالبان تشقی ایشلر وزیرلیگی بوگون سهشنبه ۱۱ – قوس، بیر بیانات نشر قیلیب بو حاکمیت تشقی ایشلر وزیری امیرخان متقی، تاجکستان تشقی ایشلر وزیری سراج الدین مهرالدین بیلن تلیفونی صحبتلشگنیدن خبر بېردی.
بو حقده نشر اېتیلگن معلوماتگه کۉره، اوشبو ملاقاتده یقینده افغانستان و تاجکستان چیگرهسیده، چین وطنداشلری اۉلیمیگه سبب بۉلگن ناتینچلیک واقعهلر تیکشیریلگن.
طالبان تشقی ایشلر وزیری، بو حاکمیت اوشبو واقعه بۉییچه تدقیقات اۉتکزیلیشی و بوندی واقعهلر آلدی آلینیشی اوچون تاجکستان بیلن همکارلیک قیلیشده تیار اېکنینی معلوم قیلگن.
عینی حالده طالبان تشقی ایشلر وزیرلیگینینگ ادعا قیلیشیچه، بو ملاقاتده ایککی تامان چیگره خوفسیزلیگی و همکارلیکلری بۉییچه علاقهلر دوامی خصوصیده کېلیشیب آلگن.
ایتیش کېرهک که سۉنگی کونلرده، افغانستان و تاجکستان چیگرهسیده کمیده ایککی راکته هجوم اویوشتیریلیب، تاجکستان حدودیده چین وطنداشلری اۉلیمیگه سبب بۉلگن اېدی.
