افغانستان اۉزبېکلرینینگ اتاقلی ژورنالیستی و افغانستانده اۉزبېک مطبوعاتینینگ اساسچیلریدن امان الله خلیلیار جنابلری، اۉتگن کون کسللیک سبب کابلده عالمدن اۉتدی.
خلقیمیزنینگ بو تانیقلی سیماسی وفاتی حقیده کینگ مناسبتلر بیلدیریلیب، اونینگ وفاتی اۉزبېک خلقی اینقسه افغانستان مطبوعات ساحهسیده کتته یۉقاتیش اېدی دېب بیلدیریلماقده.
بو حقده مناسبت بیلدیرگن ژورنالیستلر، فعاللر و سیاسی سیمالر، امان الله خلیلیار جنابلرینینگ اۉزبېک مدنیتی اوچون بیر عمرلیک سعیوحرکتلریدن قدرلنگن.
شونینگدېک فعاللر، جناب خلیلیار حمایهسیده وایهگه ییتگن او کیشینینگ اۉنلب شاگردلریدن اېسلب، خلیلیار باشلهگن یۉل دوامی اېتیشی تاکیدلنماقده.
ایتیش کېرهک که امان الله خلیلیار جنابلری، اۉتگن کون (سهشنبه، ۱۱ – قوس) کابل کسلخانهلریدن بیریده کسللیک طفیلی عالمدن کۉز یومدی.
خلقیمیزنینگ اتاقلی بو ژورنالیست و یازووچیسی، افغانستان مطبوعات ساحهسیده بیر عمر فعالیب قیلیب کېلگن. جناب خلیلیار افغانستان ملی رادیو و تلویزیونی اۉرین باسری همده آیینه خلقارا تلویزیونینینگ نشرات بۉلیمی باشلیغی لوازملریگه ایشلهگن.
