افغانستاننینگ حاضر طالبان نظارتی آستیدهگی ملي اطراف-محیطنی سقلش قیلیش ادارهسی باميان ولایتیده 41 ته نایاب قوش ینه طبیعتگه قۉییب یوباریلگنینی معلوم قیلدی.
مذکور اداره بوگون پنجشنبه ۱۳ -قوس اعلام قیلگن بیاناتیده ایتیشیچه، قۉییب یوباریلگن قوشلر 40 ته «سایره افغاني» و 1 ته قرغه بورگوتی (کرکس) دن عبارت.
طالبان نینگ اطراف-محیط نی سقلش ادارهسی بو قوشلر باميان شهریدهگی قوش بازارچیلرینینگ دوکانلریدن ییغیب آلینگنینی بیلدیرگن.
طالبان افغانستانگه ینه حاکمیتنی قۉلگه آلگچ، قوش آولشنی منع قیلگن اېدی.
شونگه قرهمهی، سۉنگّی تۉرت ییل ایچیده بو گروه بیر نېچه بار عرب آوچیلرگه افغانستانگه کېلیب، نایاب قوشلرنی آولشگه رخصت بېرگن.
اېنگ سۉنگّی حالتده، تخمیناً 20 کون آلدین، محلي منبعلر اطلاعات روزگه ایتیشیچه، بیر گروه عرب آوچیلری قندهار و زابل ولایتلریگه کېلیب، قوش آولش بیلن شغللنماقده.
