معلوماتگه کۉره، بوگون (پنجشنبه،۱۳ قوس) کابلده نشهقیلووچی تابلتلر، ایچکیلیک و چرس بیلن شغللنگنلیک عیبی بیلن ۱۵ کیشی دره اوریلگن.
عالي محکمه بیاناتیده ایتیلیشیچه، بو شخصلر ۱۰ دن ۳۹ تگهچه دره یېگن و اولرگه ۷ آییدن۴ ییلگچه قماق جزاسی هم بېلگیلنگن.
شونینگدېک، عالي محکمهنینگ قۉشیمچه قیلیشیچه، تیناوون پکتيا ولایتینینگ جانی خیل اولسواللیگیده «پول قلبهکیلشتیریش» عیبی بیلن ینه 3 کیشی عامه آلدیده شلاقلنگن.
اوچهله شخصنینگ هر بیری ۲۰ دره یېگن و ۶ آی قماق جزاسیگه حکم قیلینگن.
طالبان حاکمیتنی قَیته قۉلگه آلگنیدن بېری بیر نېچه بار عیبلنگن شخصلرنی عامه آلدیده شلاقلب کېلماقده و شو دورده اۉن ایکّی کیشینی یوزلب تماشابینلر قرشیسیده قتل اېتگن.
خلق ارا انسان حقوقلری تشکیلاتلری اېسه بوندهی جزا اصوللرینی خلق ارا قانونلرگه و انساني قدر- قیمتگه ضد دېب بیلیب، اولرنینگ درحال تۉختهتیلیشینی طلب قیلماقده.
