سمنگان ولایتیدهگی محلي منبعلرنینگ اۉزبېک تیویگه ایتیشیچه، اۉزبېک ملتیگه منسوب بیر اۉسمیر باله طالبان نینگ خوفسیزلیک ادارهسی، ولایت امنیه قوماندانلیگی، معارف ریاستی همده سرحدات و قبیلهلر ادارهسیدن تشکیل تاپگن هیئت حضوریده اۉزیگه نسبتاً قیلینگن حقارتگه اعتراض بیلدیرگن.
گواهلرنینگ سۉزلریگه کۉره، تیمورزاده دېب اوزینی اتهگن بو باله هیئت اعضالری قرشیسیده قطعیت بیلن توریب، طالبان نینگ معارف ریاستی نینگ اۉقوو ایشلری بۉییچه اۉرین باسری اونینگ اۉزبېکانه حسیاتیگه حقارت قیلگنینی ایتگن و بوندهی خطی-حرکتنی کېچیرمسلیگینی بیلدیریب، مسوول شخص محکمه قیلینیشینی طلب قیلگن.
اجتماعي ترماقلرده ترقهلگن عکسلرده بو باله طالبان رسميلری قرشیسیده آچیق-آیدین گپیرهیاتگنی کۉرینهدی. حادثه اجتماعی ترماق فایدهلنووچیلری آرهسیده کېنگ کۉلمده ترقلدی، کۉپلر اونی اۉزبېک حسیاتی و غرورینی حمایه قیلیش رمزی صفتیده بهالشگن.
طالبان عملدارلری حاضرگهچه بو واقعه و معارف رسميیسی نینگ ادعا قیلینگن حقارتیگه دایر هېچ قندهی ایضاح بېرمهگن.
