قوندوز ولایتی نینگ امام صاحب اولسواللیگی باسوس قیشلاغیده یشاوچی کېکسیگن عیال مریم و اونینگ اۉغلی خال محمد 13 قوس، پنجشنبه کونی یېتکرمهلرمعلوم قیلیشلریچه، اولر طالبلر نینگ 2- حوزه جنایت بۉلیمی خادملری تامانیدن قتّيق قییناقلرگه سالینگن و شفقتسیز کلتکلنگن.
خال محمد نینگ ایتیشیچه، طالبلرنینگ جنایت بۉییچه معاونی اونی اۉلیم بیلن تهدید قیلگن.
اونینگ سۉزلریگه کۉره، اۉن نفر طالب یریم کېچهسی محکمه قراریسیز اولرنینگ اوییگه باستیریب کیریب، اونی و آنهسینی کلتکلب اورگن.
یېتکرمهلرنینگ قۉلگه کیریتگن حجتلریده خال محمدنینگ تنهسیده آغیر کلتکلنیش ایزلری و کۉکریشلر انیق کۉرینهدی. شونینگدېک آنهسی مریم نینگ هم کلتکلش عاقبتیده جراحتلنگنی تصدیقلنهدی.
خال محمد «اۉزبېک عسکر» بۉلگنی سببلی قییناققه سالینگنینی ایتهدی. اما حاضرچه قوندوزدهگی محلي طالبلر مسووللری بو واقعه یوزهسیدن هېچ قندهی ایضاح بېرمهگن و نیمه سببدن پولیس خادملری اوشبو آنه-بالهنی کلتکلهگنی نامعلوملیگیچه قالماقده.
