آلمان حکومتی ینه بیر گروه افغانستان یشاوچیلرینی پاکستاندن آلمانگه آلیب باردی. بو کۉچیریش اسلام آباددن چارتر آرقهلی عملگه آشیریلدی و حاضرگی اتفاق حکومتی نینگ بیرینچی کۉچیریش اۉپراسیونی بۉلدی.
آلمان ایچکی ایشلر وزیرلیگی نینگ سۉزلاوچیسی معلوم قیلگنیدېک، چمهس 192 افغانستانلیک یشاوچی اوشبو پرواز آرقهلی هوا قونالغهسیگه یېتیب کېلگن.
آلمانگه کېلگن بو گروهگه قرهمهی، باشقه بیر قطار افغانستان یشاوچیلری، «قبول وعدهسی» بیلن، اسلام آبادده حلی هم سفر رخصتینی کوتماقده.
اۉتگن آیلر دوامیده، اوشبو افغانستانلیکلر بیر نېچتهسی پاکستاندن آلمانگه عادتي پرواز آرقهلی کۉچیریلگن.
آلمان ایچکی ایشلر وزیرلیگی معلوماتلریگه کۉره، حاضرگی کونگچه 62 افغانستانایک یشاوچی قبول دستوریدن واز کېچیش عوضیگه پول آلیش تکلیفینی قبول قیلگن و باشقه بیر گروه بیلن گپلشیش حلی دوام اېتماقده.
کۉچیریشنی کوتهیاتگن شخصلر آرهسیده آلمان تشکیلاتلریده آلدین ایشلهگن و حاضرده تهدید آستیده بۉلگن سابق محلي خادملر و اولر نینگ عایلهلری موجود. بو شخصلر، طالبان حاکمیتگه قَیتگنیدن آلدین، آلمان تشکیلاتلریده ایشلهگن و حاضرده خوف آستیده قالیشگن.
پاکستان حکومتی ییل آخریگچه اوشبو یشاوچیلریگه یشش رخصتینی بېریشینی اعلام قیلگن، و شوندن کېین، حتا قبول وعدهسیگه اېگه بۉلگنلر هم دېپورت قیلینیشی ممکنلیگی حقیده آگاهلنتیریش بېریلگن. شونگه قرهمهی، آلمان حکومتی کۉچیریش جریانی کېلهسی ییل نینگ باشلریده هم دوام اېتیشی ممکنلیگینی تأکیدلهماقده.
