طالبان بیلن یقین علاقهگه بولگن روسیه و هندوستان دولت رهبرلری نشر قیلگن قۉشمه بیاناتیده افغانستانده تروریزمگه قرشی کورهشگه ایشانچ بیلدیرگن و بو کورهش «کېنگ قمراولی و ثمرهلی بۉلهدی»،دېب تاکیدلهگن.
بو بیانات بوگون جمعه 24- قوس، روسیه جمهور رییسی ولادیمیر پوتین نینگ دهلیگه سفری آرتیدن اعلام قیلینگن. پوتین ایکّی کونلیک سفر بیلن هندوستان و روسیه نینگ 23- ییللیک ییغیلیشیده اشتراک اېتیش اوچون دهلیگه بارگن.
ولادیمیر پوتین و نریندرا مودی نینگ قۉشمه بیاناتیده شوندهی دېیلگن: «هر ایکّی تامان هندوستان و روسیه اۉرتهسیدهگی افغانستان بۉییچه یقین موافقلیکنی، جملهدن ایکّی دولت نینگ خوفسیزلیک کېنگشلری اۉرتهسیدهگی ملاقات میکانیزمی آرقهلی آلیب باریلهیاتگن بحثلرنی قدرلیدی و مسکو اوچرهشوولری نینگ مهم رۉلینی اعتراف اېتهدی.»
بیاناتده آرتیقلنیشیچه: «رهبرلر خلقارا ترورچی گروهلرگه جملهدن داعش، خراسان و اولر نینگ بۉلینمهلریگه قرشی آلیب باریلهیاتگن چارهلرنی آلقیشلهدیلر و افغانستانده تروریزمگه قرشی کورهش کېنگ قمراولی و ثمرهلی بۉلیشیگه ایشانچ بیلدیردیلر.»
روسیه و هندوستان رهبرلری نینگ بو ایشانچی، طالبان نظارتیدهگی افغانستاندهگی تروریزمگه عاید تشویشلر دوام اېتهیاتگن بیر پیتده بیلدیریلماقده. هر ایکّی دولت طالبان بیلن یقین علاقهلرگه اېگه.
روسیه حاضرده طالباننی رسماً تن آلگن یگانه دولتدیر، هندوستان اېسه سۉنگّی پیتلرده طالبانگه یقینلشگن اینیقسه بو گروه نینگ هندوستان نینگ رقیبی پاکستان بیلن کېسکین مناسبتلری حقیده.
پوتین و مودی بیاناتیده «افغانستان خلقیگه فوق العاده و اوزلوکسیز یاردم یېتکزیش ضرورلیگی» هم تأکیدلنگن.
بیانات نینگ باشقه قِسمیده ایکّی دولت نینگ تروریزم نینگ برچه شکل و کۉرینیشلریگه قرشی کورهش بۉییچه قطعي مجبوريتی، جملهدن ترورچیلر نینگ چېگرهدن اۉتیشی، اولر نینگ مالیوي ترماقلری و خوفسیز باشپناهلرینی توگهتیش ضرورلیگی قید اېتیلگن.
اولر هندوستان باشقروویدهگی کشمیر نینگ پههالگام حدودیدهگی اۉلیملی هجومنی، شونینگدېک اۉتگن ییلی مسکودهگی کروکسی ده یوز بېرگن هجومنی کېسکین قارهلهگنلر.
روسیه و هندوستان رهبرلری بیاناتده ترورچیلیک هجوملرنی اولر نینگ سببیدن قطع نظر هر قندهی دیني یاکه مفکوروي بهانهلر بیلن آقلب بۉلمسلیگینی، اولر قَیسی پیتده، قهیېرده و کیم تامانیدن صادر اېتیلیشیدن قطع نظر، جنایت و اصلا آقلب بۉلمهیدیگن عمل صفتیده قارهلشلرینی بیلدیرگنلر.
