آلمان تشقی ایشلر وزیری، یوهان وادهفول آیسلند تشقی ایشلر وزیری، توگردور کاترین گونارسدوتیر بیلن اوچرشووده، اروپا معلوم بیر مقطع ده روسیه بیلن مذاکره اوتکزیشگه مجبور بۉلهدی، دېب ایتدی.
وادهفول، ۵ – دسمبر جمعه کونی برلین شهریده اۉتگن مطبوعات ییغینیده، حاضرگی وقتده اروپانینگ یۉنهلیشی اوکرایننینگ قۉللب-قوتلنشی کېرک اېکنلیگنی تٲکیدلهدی، اما کېلهجکده اروپالیک آوازلر بیرگهلیکده روسیه بیلن مذاکرهگه کیریش نینگ منطیقٲ توغری بۉلیشینی قۉشدی.
او شونېنگدېک، آلمان فقط اروپا کاردیناتی دایرهسیده بوندی قدمنی تشلشنی قوشیمچه قیلدی.
آلمان تشقی ایشلر وزیری، اگر مذاکره لر فقط امریکا تامانیدن آلیب باریلسه، اروپا اوچون بو حالتنینگ معقول اېمسلیگنی تٲکیدلهدی.
شو بیلن بیرگه، او حاضرگچه روسیه مذاکرهلرگه تیار اېمسلیگینی ایتدی.
شو پیتده، روسیه جمهور رییسی نینگ یاردمچیسی یوری اوشکاوف، مسکو حاضرده فقط امریکا بیلن اوکراین بۉییچه مذاکره لر آلیب باریشینی و اروپانینگ حاضرگی کونده هیچ قندی حرکت قیلمهگنی اعلام قیلدی.
