طالبان نظارتیدهگی عامهوی اخبارات واسطهلرینینگ خبر بېریشیچه، تیناوون ۵۷۶ مهاجر عایله مملکتگه قیتگن.
طالبان نظارتیدهگی باختر اخبارات آژانسی بوگون شنبه، ۱۵قوس، قوییدهگی معلوماتنی بېرگن. ۷۷عایله نیمروزدهگی پل علم ابریشیم آرقهلی، ۳۰عایله هراتدهگی اسلام قلعه آرقهلی، ۲۹۶عایله قندهاردهگی سپین بولدک آرقهلی، ۱۶۲عایله ننگرهاردهگی تورخم آرقهلی و ۱۱ عیله هلمنددهگی بهرام شاه آرقهلی مملکتگه قیتگن.
بیرلشگن ملتلر تشکیلاتینینگ قاچقینلر بوییچه عالی کمسیاری(UNHCR) هم پاکستاندن افغانستانلیک مهاجرلرنینگ قیتیشی دوام اېتهیاتکنینی، هرکونی چمهسی یېتی مینگ کیشی افغانستانگه قیتهیاتگنینی بیلدیرگن.
