طالبلر احصائیه و معلوماتلر ادارهسی نینگ معلوم قیلیشیچه، جاري قویاش ییلی نینگ عقرب آییده افغانستانده دوالنیش و طبي خدمتلر قیمتی۱۳.۹فایزگه کۉتریلگن.
احصائیه و معلومات اداره بوگون (شنبه، ۱۵ قوس) نشر قیلگن بیانانیده بو حقده تفصیلات بېردی
طالبان، پاکستان بیلن سیاسي قرمه قرشیلیک کوچهیگنیدن سۉنگ، مملکت تجارلریگه اوچ آی مدت بېرگن، شو وقت ایچیده اولر پاکستاننینگ شرکتلری بیلن حساب-کتابلرینی یکونلشی لازم. شوندن کېین پاکستاندن دارو آلیب کېلیش بوتونلهی منع قیلینهدی.
احصائیه و معلومات ادارهسی کۉره، عقرب آییده افغانستانده آزیق-طعام محصولاتلری نرخی ۲.۳ فایزگه آشگن.
مذکور ادارهنینگ قۉشیمچه قیلیشیچه، تورلی دان محصولاتلری نرخی ۱.۳ گۉشت نرخی ۱.۶ مېوه- نرخی ۱۰.۳سبزوات نرخی ۲.۱ آشگن.
آزیق-طعامگه کیرمهیدیگن محصولاتلر نرخی هم۱.۲فایزگه آشگنی بیلدیریلگن. بو ایکّی اساسي کۉرستکیچنی اۉز ایچیگه آلهدی:
اوی-جای و تورر-جای بیلن باغلیق خرجتلر ۳.۲دوالنیش و طبیات خدمتلری ۱۳.۹ فایز آشگن.
ادارهنینگ خبریگه کۉره، عقرب آییده آیلیک تورم۱.۶ فایز، اۉتگن ییلنینگ شو آییگه نسبتاً ییللیک تورم۸.۵ فایزگه کۉتریلگن.
طالبان و پاکستان اۉرتهسیدهگی سیاسي قرمه قرشلیک و قوراللی تۉقنشوولر سبب، ایکّی مملکت چېگرهلری۵۰ کوندن بېری یاپیق، سودا-ساتیق اېسه بوتونلهی تۉختهگن.
