طالبلر مطبوعات سۉزلاوچیسینینگ اۉرینباسری حمدالله فطرت تیناوون چمهسی 581 کۉچمنچی عایله افغانستانگه قَیتریلگنینی معلوم قیلدی.
طالبلر مطبوعات سۉزلاوچیسینینگ اۉرینباسری یکشنبه کونی، 16- قوس، ترقتگن بیاناتیده ایتیشیچه، فقط اسپین بولدک یۉلی آرقهلی 391 عایله جمعی 2 183 کیشی مملکتگه قَیتگن.
اونینگ ایتیشیچه، بو عایلهلرنینگ بیر قِسمی اسپین بولدکدن قندهار، هرات، زابل، غزنی، خوست و کابل ولایتلریگه یوباریلگن.
بیاناتگه کۉره، 99 عایله تۉرخم آرقهلی، 14 عایله اسلام قلعه آرقهلی و 54 عایله نیمروز ولایتیدهگی ایپک یۉلی چېگرهسیدن کیرگن.
بو آرهده، افغانستانلیک مهاجرلرنینگ قۉشنی دولتلردن، جملهدن ایران و پاکستاندن مجبوري قَیتریلیشی کوچهیگن.
اسلام آباددهگی اَیریم مهاجرلر هم مجبوري دېپورت آرتیشیدن خواطر بیلدیریشماقده. اولرنینگ ایتیشیچه، پاکستان پولیسی کوچ ایشلهتیب یاکه اېشیکلرنی سیندیریب اویلرگه باستیریب کیرهدی و آدملرنی قۉلگه آلهدی.
