پاکستان نینگ افغانستان بۉییچه سابق نمایندهسی آصف درانینینگ ایتیشیچه، طالبان «ایکّی محل طعام تاپیشگه اورینهیاتگن بېچاره اهالی نینگ» اوستیدن نظارت قیلیشدن ممنون دیر.
داراني یکشنبه کونی، 16 – قوس، ایکس صحیفهسیده یازیشیچه، بوگونگی افغانستان بیر نېچته ترورچیلر اوچون پناهگاهگه ایلنگن.
اونینگ قۉشیمچه قیلیشیچه، افغانستان نینگ برچه اوّلگی حکمدارلری مملکت نینگ پرچهلنیشی و بېقرارلیککه یوز توتیشیده رۉل اۉینهگن.
دارانينینگ تأکیدلشیچه، ظاهر شاه حکومتینینگ داوودخان تامانیدن اغدریلیشیدن بېری افغانستان نینگ باشقرووی کېتمه-کېت دورلرده حکمدارلرنینگ نظارتیدن چیقیب کېتگن.
مجاهدلر و طالبان نینگ پیدا بۉلیشی بیلن دولت نهادلری قولهب توشدی و مملکت رهبرلری «افغانستان » نامی بیلن بیتیملر توزیب، بار-یۉق اۉز چۉنتکلرینی تۉلدیریش بیلن شغللنیشگن دېدی.
پاکستان نینگ سابق نمایندهسی، «افغانستان حاضر چېت اېلده اۉتیریب، برچه امکانیتلردن بهرهمند بۉلهیاتگن رهبرلری تامانیدن ساتیب یوباریلدی دېب ایتهدی.»
آصف درانی نینگ ایتیشیچه، مملکت یشاوچیلری نینگ کۉپچیلیگی خلق ارا یاردمگه قرهم بۉلیب قالگن و وضعیت شوندهی توس آلگنکی، افغانستان ترورچی گروهلری فعالیتی نینگ مرکزیگه ایلنگن.
