طالبان نظارتیدهگی عامهوي اخبارات واسطهلری نینگ خبر بېریشیچه، اۉتگن کون 320 نفر مهاجر عایله افغانستانگه قَیتگن. طالبان باشقروویدهگی باختر اخبارات آژانسی سهشنبه کونی، 18- قوس، تورلی چېگره اۉتیش یۉلی آرقهلی عایلهلرنینگ کیریب کېلگنینی معلوم قیلگن.
خبرگه کۉره: 27عایله نیمرۉز ولایتیدهگی پل ابریشم آرقهلی،68 عایله هراتدهگی اسلام-قلعه آرقهلی،69 عایله قندهاردهگی سپین بولدک آرقهلی، 122عایله ننگرهاردهگی تۉرخم آرقهلی، 34عایله اېسه هلمنددهگی بهرامچه آرقهلی مملکتگه قَیتگن.
بیر کون آلدین هم 500 دن آرتیق مهاجر عایله افغانستانگه قَیتگن اېدی.
شو بیلن بیر وقتده، ایران نینگ خراسان رضوی حاکمې نینگ ایتیشیچه، جاري ییلده بیر میلیون 800 مینگدن آرتیق افغانستانلیک مهاجری اسلام-قلعه چېگره یۉلی آرقهلی اۉز یورتیگه قَیتگن.
