امریکا عامهوي اخبارات واسطهلری نینگ خبرلریگه کۉره، امریکا مهاجرت و باجخانه ادارهسی رحمن الله لکنوال ناملی افغانستانلیک مهاجری تامانیدن ملي گارد اعضاسیگه قوراللی هجوم قیلیشیدن سۉنگ، افغانستانلیک مهاجرلرنی حبسگه آلیشنی کوچهیتیرگن.
اسوشیتدپرس آژانسی بوگون سه شنبه 18 قوس آخرگی بیر هفته ایچیده امریکاده 6 نفر افغانستانلیک مهاجری حبسگه آلینگنی حقیده خبر بېردی. بو حبسگه آلیشلر اساسا شمالي کلفورنیاده صادر بۉلگن، بو حدودده کۉپلب افغانستانلیک مهاجرلری یشیدی.
خبرلرگه کۉره، بو حبسگه آلیشلر کۉپینچه افغانستانلیکلرگه امریکا نینگ فدرال ادارهسیدن تېلفون قۉنغیراغی کېلیب، اولرگه چقیروو یوباریلگنیدن سۉنگ عملگه آشیریلگن. کۉپچیلیک حبسگه آلینگنلر اۉتگن ایکّی ییل ایچیده امریکا-مکسیکو چېگرهسیده باشپناه سۉرهگنلر.
امریکا ایچکی خوفسیزلیک وزیری تریشیا مکلاکلین نینگ رسمي وکیلی، شوندهی دېیدی:
«بیز تۉلیق شکلده توریستلر قیلگن و ناقانوني مجرملرنی، خصوصاً، ساخته پرول (رمز) دستوری آرقهلی امریکاگه کیرگنلرنی انیقلش و حبسگه آلیشگه حرکت قیلماقدهمیز. بیز اولرنی و جماعت خوفسیزلیگیگه تهدید سالهیاتگنلرنی مملکتدن چیقریش اوچون حرکت قیلهمیز.»
.افغانستانلیک سیاسي و یشاوچی فعاللری نینگ تأکیدلشیچه، بو چارهلر دېیرلی جزالش بۉلیب، چونکه کۉپلب افغانستانلیکلر امریکا خوفسیزلیک کوچلرینی حمایه قیلیش اوچون حیاتلرینی خوف آستیگه قۉییشگن.
