طالبان و پاکستان اۉرتهسیدهگی حربي و دیپلوماتیک ترنگلیکلردن سۉنگ، اسلام آباد پاکستان-افغانستان چېگرهلریدهگی تجارت اۉتیش یۉللرینی یاپدی. شو سببلی، طالبان افغانستان نینگ پاکستان بیلن سوداسینی و طالبان نینگ سودا بۉییچه ادارهسی افغانستان نینگ پاکستانگه قرهملیگینی یۉقاتگنینی ادعا قیلدی.
طالبان حکومتی نینگ صناعت و تجارت وزیرلیگی افغانستان نینگ پاکستانگه بۉلگن تجارت قرهملیگینی توگهتگنینی دعوا قیلماقده.
طالبان نینگ صناعت و تجارت وزیری سۉزلاوچیسی عبدالسلام جواد، 18 قوس ، طالبان نظارتیدهگی باختر اخبارات آژانسیگه بېرگن مصاجبهسیده، افغانستان نینگ ینگی بازارلرگه کیریش امکانیتیگه اېگه بۉلگنینی تأکیدلهدی. او، شونینگدېک، آزیق-آوقت و آزیق- آوقت بۉلمهگن محصولاتلر نینگ نرخلری مملکتده برقرار قالگنینی ادعا قیلگن.
جواد نینگ سۉزلریگه کۉره، حاضرده منطقوي تجارت سېزیلرلی درجهده آشگن و افغانستان اۉز تجارت علاقهلرینی ایران، هندوستان و تورکيه بیلن کېنگهیتیرگن. او، شونینگدېک، اوشبو مملکتلر بیلن صادراتی اوچون ایران، هندوستان و بعضی مرکزي آسیا دولتلریگه مراجعت قیلگن.
پاکستان سۉنگّی ییللرده افغانستان نینگ اېنگ ییریک تجارت همکاری بۉلگن اېدی. بیراق، افغانستان یشاوچیلری چېگره یاپیلیشیدن سۉنگ اَیریم محصولاتلر، جملهدن مېوه، سبزیجات، گۉشت، تخم، بلیق و باشقه بعضی تاورلر نینگ نرخی آشگنینی اَیتماقدهلر.
