افغانستان ملی اسلامی جنبش حزبی رهبری مارشال عبدالرشید دوستمگه یقین منبعلر معلوماتیگه اساسلنیب نشر اېتیلگن خبرلرگه کۉره، افغانستان سابق حکومتی ییریک سیمالری اۉرتهسیده بیرلیک کېلیشووی قۉلگه کېلگن.
بو حقده نشر اېتیلگن خبرلرگه کۉره، اوشبو کېلیشوو مارشال دوستم، عطامحمد نور، محمدحنیف اتمر و شونگه اوخشش باشقه بیر قنچه ییریک سیمالر اۉرتهسیده دیر.
عینی حالده، افغانستان ملی اسلامی جنبش حزبی نینگ رهبری مارشال عبدالرشید دوستم، بو حقده نشر قیلگن ویدیو بیاناتیده، افغانستان قوتقریلیشیگه امید بارلیگینی تیلگه آلگن.
بو کېلیشوو افغانستان کېلهجگیده تینچلیک همده برقرارلیک تامینلنیشی مقصدیده بۉلگنی قید اېتیلگن بو حقده نشر اېتیلگن معلوماتلرده.
حاضرگچه بو خصوصده تۉلیق تفصیلات بېریلگن اېمس.
ایتیش کېرهک که یقینده، ایران حکومتی واسطهچیلیگی بیلن طالبان و بو حاکمیتگه قرشی گروهلر اۉرتهسیده کېلیشوو خصوصیده اینتیلیشلر باشلنگنی خبر قیلینگن اېدی.
