«ارغوان شنبهلیک حرکتی» خلق ارا انسان حقوقلری کونی مناسبتی بیلن بیر بیانات نشر قیلیب، طالبلر افغانستاننی آغیر انسان حقوقلری بحرانی بیلن یوزمه-یوز قیلگنینی بیلدیردی.
حرکت اعضالری بوگون (چهارشنبه، ۱۹ قوس) اعلان قیلگن بیاناتیده ایتیشیچه، افغانستانده خلق ارا انسان حقوقلری کونی نشانلش و قدرلش اوچون امکان بۉلیشی کېرهک اېدی، اما حاضر او امیدسیزلیک و اساسي حقوقلردن محروملیک رمزیگه ایلنگن.
اولرنینگ قۉشیمچه قیلیشچه، طالبلر انسان حقوقلرینی بوزیش آرقهلی میلیونلب افغانستان وطنداشینینگ حیاتینی خوف آستیگه قۉیگن و انسان حقوقلری بوتون دنیا اعلامیهلرینی آیاق آستی قیلگن.
افغانستان عیاللرینینگ اوشبو ناراضیلیک حرکتی، بیرلشگن ملتلر تشکیلاتی و خلق ارا همجمعیتنینگ افغانستانده انسان حقوقلری بوزیلیشی بارهسیدهگی موضعسینی هم تنقید قیلیب، اولر «همکارلیک» نامی آستیده طالبلر تامانیدن صادر اېتیلهیاتگن انسانیتگه قرشی جنایتلرنی انکار اېتیشگنینی ایتدی.
اولرنینگ تأکیدلشیچه، خلق ارا همجمعيتنینگ سست و کېچیککن مناسبتینینگ انسان حقوقلرینی بوزیشیگه جوابگرلیکنی تأمینلش اۉرنیگه، حتا اوندن هم خوفلیراق بۉلیب، بو گروه نینگ جنایتلرینی بالواسطه تن آلیشگه آلیب کېلماقده.
«ارغوان شنبهلیک حرکتی» طالبلر بیلن هر قندهی همکارلیکنی تۉختهتیش، گروهگه نسبتاً ینه-ده قتّيقراق چېکلاولر قۉللش، طالبلر رهبرلرینی محکمهگه تارتیش، افغانستان عیاللرینینگ کورهشینی قۉللب-قوّتلش و افغانستانده قانوني، دیموکراتیک و مرکزلشمهگن حکومت توزیشنی طلب قیلگن.
طالبلر حاکمیتنی قَیته اېگهلهگنیدن بېری کېنگ مقیاسده انسان حقوقلرینی، خصوصاً عیاللر و قیزلرنینگ حقوقلرینی بوزیشده عیبلنیب کېلماقده.
بو گروه عیاللرنینگ ایشلشی و تعلیم آلیشینی منع قیلیب، اولرنینگ جمعیتدهگی اشتراکیگه قطعي چېکلاولر جاري قیلگن.
