کمالالدین بهزادنینگ مینیاتوری صنعتی بیرلشگن ملتلر تشکیلاتینینگ علمي، تعلیم و مدنیت تشکیلاتی تامانیدن افغانستاننینگ ناماددي مدني میراثی صفتیده رۉیخطگه آلیندی.
بو قرار یونسکونینگ ناماددي مدني میراث بۉییچه 20-ییغیلیشیده (چهارشنبه ۱۹ قوس) ینگی دهلیده قبول قیلیندی.
هرات بیلیم یورتی گۉزللیک صنعتی فاکولتهسی سابق اۉقیتووچیسی نوعید مشعوف بو قرارنی خوش قرشیلب شوندهی دېدی:
«بیر یریم ییلدن آرتیق ایزچیل محنت، یشیرین امیدلر و متانتیمیز بوگون اۉز مېوهسی بیلن قۉلیمیزده. بیز سېوگی و ایشانچ بیلن، انفرادی طرزده، وطنیمیز اوچون بو بویوک شرَفگه اېریشدیک.»
یونسکونینگ تأکیدلهشیچه، مینیاتور صنعتی تاریخ و ادبیات صحنهلرینی انیق و رمزي طرزده تصویرلهیدی.
بیرلشگن ملتلر تشکیلاتینینگ علمي، تعلیم و مدنیت تشکیلاتی بیاناتیده ایتیلیشیچه، بو صنعت نینگ اساسي وظیفهسی جمعیتنی مدنیت، تاریخ و ادبیات اېلېمینتلری بیلن تنیشتیریش، تاریخي بیلیم و توشونچهلرنی یخشی طرزده عکس اېتتیریش دیر.
یونسکونینگ خبر بېریشیچه، کۉپلب رسّاملر کمالالدین بهزادنینگ اسلوبی و اثرلریدن الهاملنیب، اولرنی اۉزینینگ اساسي نمونهسی صفتیده آلگن.
کمالالدین بهزاد ۸۶۵-۸۵۵هجري ییللرده افغانستان نینگ غربیدهگی هرات شهریده توغیلگن.
او مینیاتور رسّامچیلیگینینگ یگانه سبکیگه
