هندوستان نینگ بیرلشکن ملتلر تشکیلاتیدهگی دایمي نمایندهسی، یمپ هاریش، بیرلشکن ملتلر تشکیلاتی خوفسیزلیک کېنگشیدهگی مجلسده پاکستان نینگ افغانستانگه عملگه آشیرگن هوا هجوملرینی تنقید قیلیب، بو هجوملرنینگ عیاللر و بالهلرنینگ اۉلیشیگه آلیب کېلگنینی خلقارا حقوقنی بوزیش دېب اتهدی.
هاریش بو سۉزلرنی چهار شنبه کونی 19-دسمبر، بیرلشکن ملتلر تشکیلاتی خوفسیزلیک کېنگشی نینگ افغانستان بۉییچه مجلسیده ایتگن.
او شونینگدېک، «پاکستان نینگ تجارت و ترانزیت تروریزمی، شونینگدېک، افغانستان نینگ قوروقلیکده اۉرهلگن حالتی طفیلی دایمي روشده چېگرهلر نینگ یاپیلیشی بیزنی چوقور تشویشگه سالماقده»، دېدی.
هندوستان نماینده سی بوندهی تهدیدلر و اوروش حرکتلری، بیرار ضعیف و حمایهسیز مملکتگه قرشی، شو جملهدن، آغیر حالتده قَیته تیکلنهیاتگن دولتگه قرشی انیق اوروش حرکتلری، بیرلشکن ملتلر تشکیلاتی نظامی و خلقارا حقوقنی آچیقدن-آچیق بوزیش دېب تأکیدلهدی.
او شونینگدېک، هند افغانستان نینگ توپراغیده یخلیتلیگی، «ملي حاکملیک» و «مستقللیگینی» قۉللب-قوّتلشینی تأکیدلهدی.
شو بیلن بیرگه، پاکستان نمایندهسی بیرلشکن ملتلر تشکیلاتی خوفسیزلیک کېنگشیدهگی مجلسده، افغانستان نینگ طالبان حکمرانلیگی آستیده، ترورچی گروهلر اوچون خوفسیز باشپناه بۉلیب قالگنینی ایتدی.
سۉنگی آیلرده پاکستان بیر نېچته هوا هجوملرینی عملگه آشیردی، جملهدن کابلگه قیلینگن هجوملر هم جدّي مناسبتلرنی بوزیشگه سبب بۉلدی.
