«افغانستان آزادلیک جبههسی» معلوم قیلیشیچه، بو جبهه جنگریلری تامانیدن قوندوز شهریده طالبان نینگ یۉللش و سفربرلیک مرکزیگه قیلینگن هجوم عاقبتیده اوشبو گروه نینگ ایکّی اعضاسی هلاک بۉلگن، ینه اوچ نفری یرهلنگن.
مذکور جبهه اعلام قیلگن بیاناتیده هجوم، جمعه کونی 21-قوس چمهسی ساعت 18:00 لرده قوندوز شهریده عملگه آشیریلگنینی بیلدیرگن.
«افغانستان آزادلیک جبههسی»ادعا قیلیشیچه، هلاک بۉلگنلر آرهسیده «قاری عبید» نامی بیلن تنیلگن طالبان سردارلریدن بیری هم بار.
(جبهه) شونینگدېک، اوشبو هجومده اۉز کوچلریگه هېچ قندهی ضرر یېتمهگنینی قۉشیمچه قیلگن.
قوندوزدهگی طالبان نینگ محلي مسووللری حاضرگهچه اوشبو هجوم یوزهسیدن ایضاح بېرمهگن.
«افغانستان آزادلیک جبههسی» بوندن آلدین هم قوندوزده طالبانگه قرشی عملگه آشیریلگن هجوملر حقیده بیر نېچه بار خبر بېرگن
