فلسطین قاچقینلریگه یاردم و ایش اۉرنتیش تشکیلاتی (آنروا) معلوم قیلیشیچه، قیش موسمی غزهدهگی اهالی حیاتینی ینهده آغیرلشتیرماقده.
آنروا بوگون شنبه، 13- دسمبرده، ایکس اجتماعي ترماغیده یازیشیچه، هر سفر یامغیر یاغیشی، مجبوري کۉچیریلگن عایلهلرگه ینگی ضرر و معمالر کېلتیرهدی.
تشکیلات تأکیدلشیچه، اولر کۉپراق یاردم بېره آلهدی، اما اسراییل رسميلری آنروا یاردملرینی غزهگه کیریشینی تۉسماقده.
آنروا قۉشیمچه قیلشیچه، 1،3 میلیون کیشیگه باشپناه تأمینلش اوچون یېترلی اسکونهلر غزهدن تشقریده سقلنماقده، لېکن اسراییل تامانیدن اولرنی حدود ایچیگه یېتکزیشگه رخصت بېریلمهگن.
بو حالت شوندهی بیر پیتده یوز بېرماقده که، بیرلشکن ملتلر تشکیلاتی باش کاتبی نینگ اۉرینباسری ایکّی کون آلدین اېنگ کیچیک و اېنگ حمایهسیز شخصلرنی حمایه قیلیش اوچون غزهگه کۉپراق یاردم یوباریلیشی کېرهکلیگینی تأکیدلهگن اېدی.
شونینگدېک، اسراییل انسان حقوقلری تشکیلاتی بتسیلم آگاهلنتیریشیچه، ایکّی ییللیک «نسل کشلیک» غزهدهگی ضعیف فلسطینلیکلرنی اېنگ آغیر قیش و « بایرون » طوفانی خوفی آستیگه قۉیگن.
