ایراننینگ ههنگاو ناملی انسان حقلری تشکیلاتی معلوم قیلیشیچه، ایران تۉرت نفر محبوسنی، جملهدن بیر نفر افغانستان یشاوچیسینی تورلی تۉرت قماقخانهده قتل اېتگن.
ههنگاو جمعه کونی، 21- قوس خبر بېریشیچه، بیر نفر افغانستان یشاوچیسی مخدره مادّهلر سوداسی عیبی بیلن چابهار قماقخانهسیده قتل اېتیلگن.
حساباتگه کۉره، افغانستان یشاوچیسی چارشنبه کونی اېرتهلب قتل قیلینگن.
ایتیش کېرک که، ایران آلدینراق هم فرهاد حیدر اسملی افغانستان یشاوچیسینی «قصداً قاتللیک» عیبی بیلن کرج شهریدهگی قیزیل حسار قماقخانهسیده قتل اېتگن اېدی.
اۉتگن آی هنگاو انسان حقوقلری تشکیلاتی ایران جاري میلادي ییل باشیدن بویان کمیده 1 002 نفر محبوسنی قتل اېتگنینی، اولر آرهسیده 65 نفر افغانستان یشاوچیسی اسی هم بارلیگینی معلوم قیلگن اېدی.
