افغانستان انسان حقلری فعاللری بیرلشمهسی، بو تشکیلاتنینگ ایکس صحیفهسیده یازگن بیاناتیده، افغانستانده اۉقیش ساحهسیدهگی طالبان چیکلاولری دوامیدن ینه بیربار تنقید قیلدی.
انسان حقلری فعاللری بیرلشمهسی بو حقده یازگن بیاناتیده، طالباننینگ اۉقیش ساحهسیدهگی چیکلاولری یامان عاقبتلرنی اۉرتهگه آلیب کېلیب، ینگی اولاد کېلهجگینی خوف آستیده قۉیگنی قید اېتیلگن.
اوشبو تشکیلات، طالبان بو چیکلاولری بیلن افغانستان کېلهجگینی یۉق اېتیشگه اورینماقده دېب اورغولهگن.
ایتیش کېرهک که طالبان ایچکی و خلقارا تنقیدلرگه اعتبار بېرمهی، افغانستانده قیزلر اۉقیشینی تقیقلب قۉیگن.
طالبان اوشبو قراری افغانستان اوچون کتته زیان اۉرتهگه آلیب کېلیب و مملکت کېلهجگینی خوف آستیده قۉیگن بۉلسه هم بیراق طالبان بو قرارینی بیکار قیلیشگه تیار بۉلگن اېمس.
