اۉزبېکستان تشقی ایشلر وزیرلیگی بیر بیانات نشر قیلیب اعلام قیلیشیچه، بو مملکت جمهور باشلیغینینگ افغانستان بۉییچه مخصوص وکیلی عصمت الله ایرگشاف، جاپان ترقیات ادارهسی نینگ افغانستاندهگی باشلیغی سوتا توسوکا بیلن اوچرهشگنیدن خبر بېردی.
اۉزبېکستان پایتختی تاشکینت شهریده اۉتکزیلگن بو اوچرهشووده، افغانستانده ترقیات لایحهلری عملگه آشیریلیشی مسالهلری خصوصیده فکر المشتیریلگن.
ایتیلیشیچه اۉزبېکستان و جاپان مملکتلری، افغانستان اهالیسی وضعیتی یخشیلنیشی مقصدیده لایحهلرنی بیرگهلیکده عملگه آشیریش اوچون توافق قیلگن.
عینی حالده، اۉزبېکستان تشقی ایشلر وزیرلیگی افغانستانده بو لایحهلر عملگه آشیریلیشی خصوصیده، ترمذ شهریدهگی آست-قورمهلردن ایش آلینیشی هم تاکیدلنگنینی معلوم قیلدی.
ایتیش کېرهک که اۉزبېکستان و جاپان، طالبان حاکمیتی دوریده هم افغانستانگه یاردملرینی دوام بېریب کېلهیاتکن مملکتلر جملهسیدن دیر.
