ایران پایتختی تهران شهری میزبانلیگیده، افغانستان احوالیگه عاید ییغین بوگون یکشنبه ۲۳ – قوس باشلنیب، دوام اېتماقده دیر.
ایران اسلامی جمهوریتی تشقی ایشلر وزیری سیدعباس عراقچی نطقلری بیلن باشلنگن اوشبو ییغینده، اۉزبېکستان، پاکستان، روسیه، چین، تورکمنستان و تاجکستان وکیللری اشتراک اېتیشی ریجهلشتیریلگن اېدی.
ییغینده ایران تشقی ایشلر وزیری، افغانستان رواجلنیشی منطقه مملکتلری اوچون مهم دېب تاکیدلگن.
شونینگدېک عباس عراقچی، افغانستانده تینچلیک و برقرارلیک یۉللری یالغیز خوفسیزلیک یۉللری آرقهلی اېمس بلکه منطقوی همکارلیکلر اساسیده قیدیرلیشی کېرهک دېب اورغولهدی.
شونینگدېک بو ییغینده باشقه مملکتلر وکیللری هم افغانستان وضعیتی خصوصیده فکر بیلدیرگن.
ایتیش کېرهک که طالبان اوشبو ییغینده، اشتراک اېتیش اوچون تیار بۉلمهدی.
