استرالیا پولیسی بو مملکت نینگ جَنوبي نیو ساوت ولز ایالاتیده یوز بېرگن آتیشمهده کمیده 10 کیشی هلاک بۉلگنینی تصدیقلهدی.
اسبیاسنیوز خبریگه کۉره، پولیس هلاک بۉلگنلر آرهسیده تۉقّیز نفر تینچ اهالی نمایندهسی و بیر نفر هجومچی بارلیگینی ایتگن.
اوشبو عامهوی اخبارات واسطهسی معلوماتیگه کۉره، کمیده 12 کیشی جراحتلنگن و شفاخانهگه یاتقیزیلگن.
بو آتیشمه استرالیادهگی یهوديلر جماعهسی «هانوکا» بیرهمینی نشانلش اوچون بوندی ساحلیده تۉپلنگن پیتده یوز بېرگن.
اسبیاسنیوز یازیشیچه، ترقهلگن تصویرلرده کۉپریک اوستیدن آدملر تامانگه قرهته اۉق اوزیلگنی کۉرینهدی.
استرالیا پولیسی بوندن آلدینراق هم هجوم جاییدن ایکّی کیشینی حبسگه آلگنینی معلوم قیلگن اېدی.
استرالیا باش وزیری آنتونی آلبانیزی بو آتیشمهنی «لرزهگه سالووچی» دېب اتهب، قربانلر عایلهلریگه همدردلیک بیلدیرگن.
اسراییل جمهور رییسی اسحاق هرترزوگ اوشبو هجومنی قارهلب، استرالیا حکومتینی یهوديلرگه قرشی نفرت (یهودستیزی) گه قرشی کورهشیشگه چقیرگن.
حاضرچه اوشبو هجوم نینگ سببی و انیق اېمس و سببی نامعلوم.
