طالبان نینگ غزنی ولایتی ایچکی ایشلر (امنیه) قوماندانلیگی معلوم قیلیشیچه، ایکّی علیحده حادثهده ایکّی اېر-خاتین گازدن زهرلنیش عاقبتیده وفات اېتگن.
بیاناتده ایتیلیشیچه، بیرینچی حادثه کېچه کېچقورون شنبه کونی، 22- قوس اندر تومنی « نانی» قیشلاغیده یوز بېرگن.
قوماندانلیک نینگ قۉشیمچه قیلیشیچه، یقینده تورموش قورگن یاش اېر-خاتین خانهسینی ایسیتیش اوچون گاز پېچینی یاققن، اما گاز سیزیب چیقیشی سببلی زهرلنیب، حیاتدن کۉز یومگن.
معلوماتگه کۉره، اولر گاز پېچی نینگ اوستیگه سوو قۉییشگن، سوو قَینب تۉکیلیب کېتگن و پېچ اۉچیب، خانهگه گاز ترقهلیشیگه سبب بۉلگن.
طالبان نینگ غزنی ولایتی امنيه قوماندانلیگی خبریگه کۉره، ینه بیر اېر-خاتین جمعه کېچهسی غزنی شهری نینگ «پشتون آباد» حدودیده شونگه اۉخشش حادثهده وفات اېتگن.
هر ییلی قیش موسمیده افغانستانده بوندهی حادثهلر نینگ کۉپلب حالتلری قید اېتیلهدی.
اَیریم یشاوچیلر قیشده اویلرینی ایسیتیش اوچون گاز پېچلریدن فایدهلنهدیلر، بیراق منواکساید گازی نینگ یاپیق جایده ترقهلیشی زهرلنیشگه و حتا اۉلیمگه آلیب کېلیشی ممکن.
