بیرلشگن ملتلر تشکیلاتی نینگ انساني مسکنلر دستوری (UNHabitatAf) افغانستان شهرلریده برق انرژیسی تنقیصلیگی موجود اېکنینی معلوم قیلدی.
مذکور تشکیلات بوگون یکشنبه، 23 – قوس ایکس ترماغیده یازیشیچه، عایلهلر هر کونی برق انرژیسی اوزیلیشلریگه دوچ کېلماقده، تجارتلر ضرر کۉرماقده و بالهلر منتظم برق یۉقلیگی سببلی اۉقي آلمهیپتی.
UNHabitatAf قَیته تیکلنووچی انرژی ساحهسیگه سرمایه کیریتیشنی تاکیدلب، اونی برقرار و چیدملی شهرلر برپا اېتیش نینگ اساسي کلیتی دېب اتهدی.
افغانستان هر ییلی قیش و یاز فصللریده جدّي برق انرژیسی تنقیصلیگیگه دوچ کېلهدی. اوشبو ایکّی موسمده مملکت بۉیلب اویلر و کمپنیلرگه برق انرژیسی نوبت بیلن یېتکزیلهدی و اهالی کون و تون اوزاق ساعتلر دوامیده برقسیز قالماقده.
