سونگی کونلر ایچیده، فاریاب ولایتی دولت آباد تومنینینگ «شیخها» حدودیده یشاوچی تورکمن خلقی قبرستانینی مهاجرلرگه تاپشیریلهیاتکنب خبر قیلیندی.
بو حقده اۉزبېک تیوی خبر نشر قیلگنیدن کېین، طالبان قیشلاق اهالیسی یېتکیرمهلر بیلن گپلشیشی همده بو قرار برابریده ناراضلیک بیلدیریشینی تقیقلگن.
شونینگدېک منبعلرنینگ اۉزبېک تیوی گه ایتیشیچه، طالبان استخبارات ادارهسی بو قیشلاق اهالیسیدن ایریملرینی هم احضار قیلگن.
ایتیلیشیچه طالبان استخبارات ادارهسی، یقینده ویدیو نشر قیلیب ییرلری و قبرستانلری زوردن آلینیب، مهاجرلرگه تاپشیریلیشیگه نسبتن ناراضلیک بیلدیرگن شخصلرنی چقیرگن.
عینی حالده، بو حقده خواطر بیلدیرگن باشقه اهالی هم حبسگه آلینیشگه تهدید اېتیلگنی ایتیلهدی.
دیمک یقینده، فاریاب ولایتی شیخها قیشلاغینینگ قبرستانیدهگی قبرلر قازیلیب، ییرلری ناقللرگه تاپشیریلماقدهلیگی خبر قیلینگن اېدی.
