سمنگان ولایتیده بوگون اېرتهلب ساعت ۱۰:۰۰ اطرافیده یوز بېرگن ترافیکی حادثه نتیجهسیده اوچ عیال شامل ۸ کیشی اۉلیب و یرهلندی.
اوشبو واقعه، سمنگان ولایتی حضرتسلطان تومنینینگ «غزنیگک» حدودیده یوز بېرگن.
واقعه نتیجهسیده ایککی عیال و بیر ایرکک جان بېریب همده بیر عیال شامل بیش کیشی یرهلنگن.
واقعه یۉلاوچی تاشووچی و یوک تاشووچی ایککی موتر تۉقنهشووی نتیجهسیده یوز بېرگن.
سمنگان ولایتیده طالبان خوفسیزلیک قومندانلیگی، واقعه قربانلری کسلخانهگه آلیب باریلگنینی هم معلوم قیلدی.
عینی حالده مذکور واقعهده قربان بۉلگن شخصلر، سمنگان ولایتی مرکزی آیبیک شهری اهالیسی بۉلگنی هم بیلدیریلگن.
ایتیش کېرهک که یۉللر بوزوقلیگی و هیداوچیلرنینگ احتیاطسیزلیگی افغانستان تورلی حدودلریده ترافیکی حادثهلر سانی کۉپهییشیگه سبب بۉلگن.
