طالبان معلوم قیلیشیچه، اۉتگن کون افغانستانگه جمعی بیر مېنگ و14 عایله، یعنی 5 580 کیشی قَیتیب کېلگن.
طالبان مطبوعات اۉرینباسری سۉزلاوچیسی حمیدولله فطرت بوگون دوشنبه ، 24- قوسده اعلام قیلگن بیاناتیده، شولردن 672 ته عایله فقط طورخم چېگره اۉتیش یۉلی آرقهلی مملکتگه کیریب کېلگنینی ایتگن.
بیاناتگه کۉره، قندهاردهگی سپین بولدک چېگره اۉتیش یۉلی آرقهلی 1 391 نفر کیشیدن عبارت 258 ته عایله قَیتگن.
شو بیلن بیرگه، 45 ته عایله هلمند چېگره اۉتیش یۉلی آرقهلی، 21 عایله هراتدهگی اسلام قلعه چېگرهسی آرقهلی و 18 عایله نیمروز چېگره اۉتیش یۉل آرقهلی افغانستانگه کیریب کېلگن.
فطرت نینگ قۉشیمچه قیلیشیچه، اوشبو عایلهلر ننگرهار، کنر، لغمان، کابل، هرات، زابل و غزنی ولایتلریگه جایلشتیریلگن.
بو حالت شوندهی بیر پیتده یوز بېرماقده که، سۉنگّی آیلر دوامیده مهاجرلر نینگ افغانستانگه قَیتیشی کۉپهیگن و خلقارا تشکیلاتلر بو جریان قبول قیلووچی ولایتلرگه کتّه باسیم اۉتکزهیاتگنیدن آگاهلنتیریب کېلماقده.
