پاکستان اخبارات وزیرلیگی بوگون سهشنبه ۲۵ – قوس بیر بیانات نشر قیلیب، بو مملکت باش وزیری شهباز شریف، ایران جمهور باشلیغی مسعود پزشکیان بیلن اۉتکزگن اوچرهشوویده، افغانستان مسالهسی خصوصیده هم صحبتلشگنیدن خبر بېردی.
اوچرهشوو، تورکمنستان میزبانلیگیده «خلقارا تینچلیک و خوفسیزلیک ییغینی» دایرهسیده اۉتکزیلگن اېدی.
اوشبو اوچرهشووده، افغانستاندن بۉلگن ترورچیلیک تهدیدلری و بو خصوصده طالبان حرکتلری بحث اېتیلگنی معلوم قیلینگن.
پاکستان باش وزیری، ایران حکومتیدن ترورچیلیککه قرشی کورهش اوچون طالباننی ترغیب اېتیشینی سۉرهگن.
شونینگدېک پاکستان باش وزیری، افغانستاندن بۉلگن ترورچیلیک تهدیدلریدن خواطرلیگینی ینه بیربار تیلگه آلگن.
ایتیش کېرهک که طالبان، پاکستان بو ادعالرینی رد اېتیب کېلماقده دیر.
