بیرلشکن ملتلر تشکیلاتینینگ آزیق-آوقت دستوری بوگون سهشنبه ۲۵ – قوس ژورنالیستلر بیلن شریک قیلگن حساباتیده، افغانستانده کېلهسی قیش موسومی میلیونلب انسان آغیر آچلیک احوال بیلن دوچ کېلیشیدن آگاهلنتیردی.
آزیق-آوقت دستوری حساباتیگه کۉره، حاضر افغانستان جمعیتی جملهسیدن ۱۷ میلیوندن آرتیق انسان آغیر آچلیک احوال بیلن دوچ دیر.
شونینگدېک مذکور تشکیلات اۉز حساباتیده، اۉتگن ییلگه نسبتن افغانستانده آغیر آچلیک احوال بیلن دوچ عیال، باله و ایرکک سانیگه اوچ میلیون انسان کۉپهیگنی قید اېتیلگن.
عینی حالده آزیق-آوقت دستوری، افغانستانده بالهلر توییب آوقتلنمسلیگی کسللیگی بیلن دوچ بۉلهیاتکنیدن هم آگاهلنتیریب، جاری ییل اوشبو کسللیک بیلن دوچ بالهلر سانی تۉرت میلیونگه یقینلشیشی ممکنلیگینی بیلدیردی.
شو بیلن بیرگه، خلقارا آزیق-آوقت دستوری افغانستان اهالیسی آغیر و شفقتسیز بیر قیش موسومینی کوتیب آلیشی ممکن دېب بیلدیرگن.
خلقارا آزیق-آوقت دستوری اۉز حساباتیده، بو وضعیتگه ییتیشیش اوچون بودجه آزلیگیدن هم خبر بېرگن.
