طالبان نظارتیدهگی عامهوي اخبارات واسطهلری خبر بېریشیچه، اۉتگن کون 577 نفر مهاجر عایلهلر مملکتگه قَیتگن.
طالبان نظارتیدهگی باختر اخبارات آژانسی بوگون سهشنبه ، 25 – قوس، 16 عایله نیمروز ولایتیدهگی پل الم ابریشم آرقهلی، 32 عایله اسلام قلعه (هرات) آرقهلی، 155 عایله سپین بولدک (قندههار) آرقهلی، 299 عایله طورخم (ننگرهار) آرقهلی و 75 عایله بهرامچه (هلمند) آرقهلی مملکتگه قَیتگنینی بیلېیردی.
بوندن ایکّی کون آلدین هم مینگدن آرتیق مهاجر عایله مملکتگه قَیتگن اېدی.
ایران و پاکستاندن افغان مهاجرلرینی دېپورت قیلیش جریانی هنوز دوام اېتماقده و سۉنگّی کونلرده بو جریان کوچهیگن.
شونینگدېک، بیرلشگن ملتلر تشکیلاتی نینگ قاچقینلر بۉییچه عالي کمیسارلیگی (UNHCR) پاکستاندن افغانستانلیک مهاجرلری نینگ قَیتیشی دوام اېتهیاتگنینی و هر کونی تخمیناً 7 مینگ کیشی افغانستانگه قَیتهیاتگنینی معلوم قیلدی.
