فلسطین وطنداشلیک مدافعهسی خادملری اسراییل هجوملری عاقبتیده غزه شهریده ویران بۉلگن یشش جای بناسی ویرانهلری آستیدن کمیده 45 ته جسدنی چیقریب آلیشدی.
الجزیره بوگون سهشنبه ، 16- دسمبر خبر بېریشیچه، اسراییل اوردوسی غزه شهری نینگ اَیریم حدودلریدن چېکینگنیدن سۉنگ، فلسطین وطنداشلیک مدافعهسی کوچلری بیر یشش جای بناسیدن اۉنلب جسدلرنی تاپیشگه موفق بۉلگن.
خبرگه کۉره، تخنیک و جهازلر نینگ یېتیشمسلیگی همده ویرانهگرچیلیک کۉلمی نینگ کتّهلیگی سببلی جسدلرنی چیقریش جریانی جوده سېکین کېچماقده و قیدیروو ایشلری هنوز دوام اېتماقده.
ایتیلیشیچه، کۉپلب جسدلر بامباردمان پیتیده اۉز اویلریده بۉلگن و ویرانهلر آستیده قالیب کېتگن عایله اعضالریگه تېگیشلی.
قوتقروو مسووللری نینگ ایتیشیچه، اوشبو وضعیت دوام اېتسه، قربانلرنی انیقلش و دفن اېتیش جریانی اوزاق مدتگه چۉزیلیشی ممکن. شو باعث اۉپراسیونلرنی تېزلشتیریش اوچون قۉشیمچه امکانیتلر و کۉپراق یاردم ضرور.
